ВТБ Бірыңғай лигасы 2017/2018
Астана
Астана
ВТБ Бірыңғай Лигасы, Тұрақты біріншілік
25.03.2018, 15:00 Жс
Арена: Барыс Арена (Нұр-Сұлтан)
78:84
Негізгі уақыт
20:19 18:19 14:26 26:20
Ойын нөмірі: RS-115
Көрермен: 1160
ПАРМА
Пермь

«Астана» Пермь клубын қабылдайды

24.03.2018, 09:00    Просмотров: 650
Источник: Баспасөз қызметі
Автор: Альмира Шахаева
Ертең, 25 наурыз күні, елорда баскетбол клубы ВТБ Бірыңғай лигасы аясындағы кезекті ойынын өз алаңында өткізіп, «Парма» баскетбол клубын қабылдайды.
 

Нижний Новгородтағы «триллерден» кейін «Астана» баскетболшылары бірден Пермь клубымен өтетін үйдегі ойынына дайындала бастады.
 
«Парма» – Ресейдің ерлер арасындағы кәсіпқой баскетбол клубы, Пермь қаласынан.
 
Жетістіктері:
  • Ресей кубогының иегері – 2015/2016
  • Ресей Суперлигасының қола жүлдегері – 2015/2016

Өткен кездесулер хроникасы:
Пермь клубы үшін бұл – ВТБ лигасындағы екінші маусым. Өзінің алғашқы маусымында «Парма» ең соңғы, яғни 13-орынға табан тіреген болатын. Ал биылғы маусымда Пермь клубы нәтижелі ойын өрнегін көрсетіп, өздеріне қонаққа барған команданың бәрімен тайталасып, дес бермей жүр. Ал «Астанамен» өткізген кездесулеріне тоқталар болсақ, бұған дейін өткен үш ойында да елордалықтар басымдық танытты. Биылғы маусымда екі команда Пермьде кездесіп, аса тартысты өткен ойынның негізгі уақыты тең аяқталып, астаналықтар тек овертаймда жеңіске жеткен болатын. Есеп – 90:84. 
 
Қазіргі жағдай:
Биылғы маусымда «Парма» құрамын біршама өзгертті. Команданың бас бапкері ауысып, Вячеслав Шушаковтың орнына ВТБ лигасына кеңінен танымал, латыш маманы Николайс Мазурс келді. Бұл жаттықтырушы Грузияның «Вита», Саратовтың «Автодор» командаларын жаттықтырған, сонымен қатар, Қазанның УНИКС клубының жаттықтырушылары құрамында еңбек еткен. Өзгеріс команда құрамында да болды. Әрі бұл өзгерістің бәрі «Парма» үшін біршама пайдалы болды деуге де болады.
 
Турнир кестесі:
Пермь клубы қазір 5 жеңіс, 11 жеңіліспен ВТБ лигасының турнир кестесінде 12-орынды иеленіп тұр. Ал «Астана» болса, 6 жеңіс, 11 жеңіліспен 7-орынға орналасқан.

«Астана» БК бас бапкері міндетін атқарушы Михаил Карпенконың пікірі:
– «Парма» баскетбольный клубы ВТБ лигасында екінші маусым ғана ойнап жүр. Былтыр нағыз аутсайдер болса, биыл мүлдем басқа деңгейде өнер көрсетіп келеді. Олар да плей-офф додасынын үміттерін үзбей, жанталасып жүр. Команда сапынан, бірінші кезекте, үш легионерді бөле-жара атап өткім келеді: Коди Миллер-Макинтайр, Фрэнк Гейнс және Тре МакЛин. Бұл ойыншылар осы команданың ең үздік мергендері және команда қоржынына ұпайларының басым көбісін осы үшеуі салады. «Парма» қорғаныста жанкештілік танытып жүрсе де, мен олардың шабуылда да ширақ қимылдайтындарын атап өткім келеді. Команда қорғаныстан шабуылға тез көшеді, біз осыған дайын болуымыз керек. Егер «Парма» өзінің айып алаңында шығыршықтан қайтқан допты қағып алса немесе допты қақшып әкетсе, олар қарсыласын шапшаң қимылдарымен, жылдам шабуылдарымен жазалайды. Біздің мұратымыздың бірі – олардың осылай қорғаныстан шабуылға тез көшулерін тоқтату және қалай бекініс құратынымызды шешу, америкалық ойын үйлестіруші Коди Миллер-Макинтайрді тоқтата аламыз ба, соны ойластыру. Бұл жігіт ВТБ лигасының биылғы маусымында жарқырап көзге түсіп, көпшілікті тәнті қылды. Ойынға тыңғылықты дайындалып жатырмыз, бұған дейінгі өз алаңымызда өткізген матчтардағыдай ойнап, қарсыласымызды жеңеміз деген сенімім мол.  
Қайда, қашан, нешеде?
Арена: «Барыс Арена» мұзайдыны сарайы
Уақыт: 15.00 Астана уақыты бойынша
Трансляция: ВТБ Бірыңғай лигасының сайты, «Астана» БК сайты, «QazSport» телеарнасы.

«Астана» өз алаңында «Пармадан» ұтылып қалды

25.03.2018, 20:00    Просмотров: 659
Источник: Баспасөз қызметі
Автор: Альмира Шахаева
«Астана» өз алаңында «Пармадан» ұтылып қалды
 
Бүгін Астанада өткен, ВТБ Бірыңғай лигасы аясындағы ойын 78:84 (20:19, 18:19, 14:26, 26:20) есебімен аяқталып, Пермнен келген қонақтар жеңіске өңгеріп кетті.
 
Ойынның бірінші жартысы мейілінше тең дәрежеде өтті. Үлкен үзілістен кейін қонақтар астаналықтардың торшеңберін алыстан нысанаға алып, нәтижелі шабуылдарын жиілетті. Әрі Николайс Мазурстың командасы алға шығып, ұпай айырмасын ұлғайта түсті. Соңғы онминуттықта алаң иелері ұпай айырмасын қысқартуға тырысты, тіпті біршама жақындай түсті де. Алайда бұл ойында қонақтардың бақтары жанды.    

Ең көп ұпай еншілегендер:
  • «Астана»: Джастин Картер (23 + 8 рет доп қақшып алды + 5 пас), Ике Удано (21 + 10 рет доп қақшып алды), Энтони Клеммонс (17 + 4 рет допты қағып әкетті).
  • «Парма»: Фрэнк Гейнс (21 + 5 рет доп қақшып алды), Иван Ухов (13), Андрейс Гражулис (11), Тре Маклин (11), Яник Морейра (7 + 17 рет доп қақшып алды), Коди Миллер-Макинтайр (4 + 5 рет доп қақшып алды + 10 пас + 3 рет допты қағып әкетті).

«Астана» клубының бас бапкері Михаил Карпенко: 
— Өкінішке қарай, біз бүгін қорғаныста өз міндетімізді ойдағыдай атқара алмадық. Жоспар бойынша мейілінше батыл ойнап, табан тіресе додаға түсуіміз керек еді. Бәлкім, қонақтардың көшбасшысы Макинтайрды тұсаулап ұстаған да болармыз, алайда жалпы алғанда, біз «жұмсақтық» танытып, қорғаныста үлгермей қалып отырдық. Ойынның бірінші жартысында небәрі 4 командалық ескерту алып, қарсыласымыздың ойын ырғағын сезінуіне, соққыны оңды-солды бағыттауларына мүмкіндік беріп қойдық. Кездесудің екінші бөлігінде мұның бәрі жалғаса берді. Өкінішке қарай, шабуылда да дұрыс шешім қабылдамай, маңызды сәттерде бірнеше рет шығыршықтан қайтқан допты қағып ала алмадық. Тіпті өз торшеңберіміздің түбінде есе жіберумен болдық. Мұның бәрі үйде жеңіліске ұшырауымызға апарып соқты. Плей-оффқа шығу үшін әлі де барымызды саламыз, бүгінгі ойыннан қорытынды шығарып, алға қарай жылжимыз деп үміттенемін.   

«Парма» клубының бас бапкері Николайс Мазурс:
— Біз ойынды бірден тамаша құлшыныспен бастадық. Жылдам шабуыл ұйымдастыра алсақ та, оңтайлы сәттерде мүлт кеттік. Бірақ біз торшеңбер түбінде жанкештілік таныттық. Жігіттер сабырлы түрде ойнап, көбінесе допты діттеген жерлеріне дөп түсіріп отырды. Ойынның аяғына қарай біз шапшаңырақ қимылдап, ұсақ-түйектерде асып түсіп отырдық деп ойлаймын. Пермь жанкүйерлерін құттықтаймын, бұл біз үшін – өте маңызды жеңіс.

«Астана» келесі ойынын түзде өткізеді. 1 сәуір күні елорда баскетболшылары ВТБ Бірыңғай лигасы аясында Краснодардың «Локомотив Кубань» клубымен додаға түседі.

Қарсылас жайлы мәлімет

Құрылған жылы: 2012 Клубтық түстері: ақ, көк
Мемлекет: Ресей Арена: ӘСС «Молот»
Қала: Пермь Сайт: parmabasket.ru

Сипаттамасы

«ПАРМА-ПАРИ» – Ресейдің ерлер арасындағы кәсіпқой баскетбол клубы, Пермь қаласынан, 2012 жылы құрылған.

Жетістіктері:

  • Ресей кубогының жеңімпазы – 2015/2016, 2018/2019
  • Ресей кубогының қола жүлдегері – 2016/2017
  • Суперлиганың қола жүлдегері – 2015/2016
  • ФИБА Еуропа Кубогының төрттік финалының қатысушысы — 2021

Команданың жалпы суреті

ПАРМА