ВТБ Бірыңғай лигасы 2016/2017
Калев
Таллинн
ВТБ Бірыңғай Лигасы, Тұрақты біріншілік
31.10.2016, 22:30 Дс
Арена: «Саку Суурхалль» (Таллин)
84:67
Негізгі уақыт
19:17 21:20 22:18 22:12
Ойын нөмірі: RS/26
Көрермен: 710
Астана
Астана

«Астана» Эстонияны бетке алды

30.10.2016, 10:20    Просмотров: 692
Источник: Баспасөз қызметі
Автор: Альмира Шахаева
Бүгін елорда баскетбол клубы Эстонияға ұшып кетті. 31 қазан күні ВТБ Бірыңғай лигасының биылғы маусымында бірінші рет түзде додаға түсіп, Таллинде «Калев» командасымен кездеседі.

Қарсылас жайлы мәлімет:

«Калев» (Эстония, Таллин) баскетбол клубы 1944 жылы құрылған.

Жетістіктері:
  • КСРО чемпионы − 1991.
  • Эстония чемпионы − 2000, 2005, 2006, 2009, 2011, 2012, 2013, 2014, 2016
  • Эстония чемпионатының күміс жүлдегері – 2015
  • Эстония кубогының жеңімпазы − 2005−2008, 2016

Айрықша атап өтерлігі, ВТБ Бірыңғай лигасының барлық маусымындағы «Астана» мен Эстония клубы арасындағы матчтар ылғи біздің команданың жеңісімен аяқталып отырған. Бұл жолы да «Астана» осы дәстүрді бұзбайды деп сенеміз. Оның үстіне, команда ертеңгі ойынға егжей-тегжей дайындалды.

Сіздер бұл матчты Kazsport телеарнасы арқылы тікелей эфирден тамашалай аласыздар. Сондай-ақ және ВТБ Бірыңғай лигасының сайтынан да көруге болады. Басталуы – 22:20-да.

Елорда клубы Эстония чемпионына есе жіберіп алды

01.11.2016, 09:25    Просмотров: 612
Источник: ВТБ Бірыңғай лигасы
Автор:
Эстонияның «Калев» клубы биылғы маусымдағы, өз алаңындағы алғашқы матчта «Астанадан» басым түсті – 84:67 (19:17, 21:20, 22:18, 22:12).

Ең көп ұпай жинағандар:

«Калев»: Марк Толлефсен (17 + 6 рет доп қақшып алды), Грегор Арбет (14), Стэн Сокк (12 + 6 пас), Демонте Харпер (11 + 8 пас), Миккелл Глэднесс (5 + 13 д.қ.).

«Астана»: Иан Миллер (20), Усман Крубалли (18 + 8 д.қ.), Димитриос Катсивелис (12), Родерик Одом (10 + 8 д.қ.).

«Калев» БК бас бапкері Алар Варрак:
– Бұл жеңіс бізге өте қажет еді. Жақында ғана Минскіде өзекті өртер жеңіліске ұшыраған болатынбыз. Бүгін де доптан жиі айырылып қалып отырдық, бірақ басқа жағынан жақсы ойнадық. Ойын тізгінін өз қолымызда ұстадық. Ойынның екінші жартысында Миллерді тұсаулап ұстай алғанымызға қуаныштымын.
Сонымен бірге, бізге шабуылды әр қилы өрістетуді жетілдіре түсуіміз керек. Бірақ бұған жаттығу кезінде қол жеткізу қиын, бұл жерде бәрі де команда сапындағы ойыншыларға байланысты.

«Астана» ПБК бас бапкері Илиас Папатеодору:
– «Калев» шабуылда тамаша ойнады. Қарсыласымыз шабуылдарының соңғы секундтарында өте күрделі соққыларды дөп түсіріп отырды, ал бізге нәтижелі шабуылмен жауап беру қиын болды. Қорытындысында біз бар болғаны екі ғана үш ұпайлық доп салдық, бүкіл ойын бойы… Мұндай жағдайда жеңіске жету өте қиын.

«Астана» келесі ойындарын түзде, 6 және 7 қараша күндері Ақтауда өткізіп, Қазақстан Ұлттық лигасы аясында «Каспий» баскетбол клубымен екі рет кездеседі.

Қарсылас жайлы мәлімет

Құрылған жылы: 1920 Клубтық түстері: ақ, көк
Мемлекет: Эстония Арена: Kalev Sports Hall
Қала: Таллинн Сайт: www.bckalev.ee

Сипаттамасы

«Калев» – Эстонияның ерлер арасындағы баскетбол клубы, Таллинн қаласынан, 1920 жылы құрылған. ВТБ Бірыңғай лигасынан бөлек, Эстония Чемпионатында бақ сынайды.
    
Жетістіктері:
  • КСРО чемпионы − 1991
  • Эстония Чемпионатының жеңімпазы − 2000, 2005, 2006, 2009, 2011, 2012, 2013, 2014, 2016-2019, 2021
  • Эстония Чемпионатының күміс жүлдегері – 2015
  • Эстония Кубогының жеңімпазы − 2005-2008, 2016, 2017, 2020

Команданың жалпы суреті

Калев