ВТБ Бірыңғай лигасы 2016/2017
Астана
Астана
ВТБ Бірыңғай Лигасы, Тұрақты біріншілік
05.10.2016, 20:00 Ср
Арена: «Сары-Арқа» велотрегі (Астана)
68:84
Негізгі уақыт
16:26 19:19 14:22 19:17
Ойын нөмірі: RS/3
Көрермен: 350
УНИКС
Казань

Қазақтың клубы Қазанның командасын қабылдайды

04.10.2016, 12:30    Просмотров: 583
Источник: Баспасөз қызметі
Автор: Альмира Шахаева
Ертең, 5 қазан күні «Астана» Президенттік баскетбол клубы ВТБ Бірыңғай лигасындағы екінші ойынын Қазанның «УНИКС» клубымен өткізеді. Бұл командамен біздің клуб жақсы таныс әрі екеуара кездесулердің бірң де шектен тыс шиеленісті өтеді. Өткен маусымда Қазан командасы ВТБ Бірыңғай лигасы чемпионатының күміс жүлдесін жеңіп алды. Бұл команданың шама-шарқын осымен-ақ бағамдай беруге болады. 

Қарсылас жайлы мәлімет:

«УНИКС» (Ресей, Қазан) баскетбол клубы 1991 жылы құрылған.

Жетістіктері:
  • Ресей чемпионатының күміс жүлдегері − 2001, 2002, 2004, 2007. 
  • Ресей чемпионатының қола жүлдегері − 2000, 2003, 2005, 2009−2011, 2013/14. 
  • Ресей кубогының жеңімпазы − 2003, 2009, 2014. 
  • FIBA Евролига чемпионы − 2003/04. 
  • Еуропа кубогы жеңімпазы − 2010/11. 
  • Еуропа кубогының финалына шыққан – 2013/14 
  • NEBL чемпионы − 2002/03. 
  • ВТБ Бірыңғай лигасының күміс жүлдегері − 2009/10, 2011/12, 2015/16 
  • ВТБ Бірыңғай лигасының қола жүлдегері − 2010/11

ВТБ Бірыңғай лигасының биылғы маусымдағы алғашқы ойынында жеңіске жеткен астаналық ұжым Евгений Пашутиннің командасымен де табан тіресе додаға түспек. Ойын өте қызықты және шектен тыс тартысты өтетіні анық. Астана командасын сіз де қолдаңыз!

Матч «Сарыарқа» республикалық велотрегінде өтеді. Басталуы – 20:00. Кіру тегін!

«УНИКС» ұжымынан үйде ұтылдық

05.10.2016, 22:15    Просмотров: 692
Источник: Баспасөз қызметі
Автор: Альмира Шахаева
«Астана» үйдегі екінші ойынында Қазанның «УНИКС» клубынан ұтылып қалды – 68:84 (16:26, 19:19, 14:22, 19:17).

Маусымды жеңіспен бастаған «Астана» Қазанның «УНИКС» клубымен өткен матчқа да сенімді ақтауға бекініп шықты, бірақ өте сақ ойнады. Қонақтар да алғашқы ойындарын сәтті өткізіп, Нижний Новгород қаласы баскетболшыларынан 104:81 есебімен басым түскен болатын.

Ойынға қосылған допты алаң иелері іліп әкетіп, Родерик Одом команда қоржынына екі ұпай салды. Қонақтар шабуылмен жауап берді. Командалардың ойынды аса сақтықпен бастап, бір-бірінің аңдысын аңдуға көшкендері байқалып тұрды. Бірінші онминуттықта Қазан клубы қыспаққа алып, қонақтар алға да шықты. Есеп – 16:26. Екінші кезеңде де «УНИКС» ойыншылары ширақ қимылдап, 10 ұпай айырмасымен алға озды. Шежіресі мол команда осы басымдықты дейін уысынан шығармай, командалар үлкен үзіліске шыққанда, есеп 35:45 болды. Үшінші кезеңде де былтыр ВТБ Бірыңғай лигасыныңфиналына шыққан азулы ұжым көсіле сілтеді. «Астана» қанша тырысса да, қарсыласын қуып жете алмай қойды. Соңғы онминуттықта да алаң иелері ойынға көп өзгеріс енгізе алмады. Матч 68:84 есебімен «УНИКС» БК жеңісімен аяқталды.

Айрықша атап өтерлігі, бүгінгі ойынға Параолимпиада ойындарының алғашқы чемпионы, Риода бағы жанған Зульфия Габидуллина келді. «Астана» баскетбол клубы чемпионды қолдау көрсетіп, бүгінгі ойынға қызығушылық танытқаны үшін алғыс білдіреді. 

Ең көп ұпай жинағандар:

«Астана»: Род Одом (21 ұпай + 5 доп қақшыды), Роберт Лоури (12 ұпай)

«УНИКС»: Кит Лэнгфорд (20 ұпай), Хоаким Колом (15 ұпай + 6 пас), Артем Параховский (13 ұпай + 6 доп қақшыды), Коти Кларк (13 ұпай +13 доп қақшыды)
 
«Астана» ПБК бас бапкері Илиас Папатеодору:
– Біз бүгін қиын болатындығын білдік. Лигадағы мақсаттары екі түрлі командалар кездесті. Әйтсе де, біз намысты қолдан бермеуге бекініп, дайындалып шықтық. Әрине, біздің шабуылда әлі де ағаттықтарымыз бар. Енді ЦСКА клубымен өтетін маңызды ойынға дейін тынығып үлгеруіміз керек.
 
«УНИКС» БК бас бапкері Евгений Пашутин:
- Өз командамды бүгінгі жеңісімен құттықтаймын. Биыл «Астана» ширақ, төзімділігімен және қайсарлығымен көзге түсті. Қорғаныста әр түрлі айла-тәсілдер қолданады, қарсыласын тұсаулап ұстауға тырысады. Бастапқы екі кезеңде бой үйретіп алуға тырыстық, ал үшінші кезеңде жеңіс кілтін таптық. Қорғаныста да жақсы ойнап, допты назарымыздан тыс қалдырған жоқпыз. Әйтсе де, біз әлі спорттық бабымызға келе қойған жоқпыз, әлі шүмектетіп тер төгу керек.

«Астана» келесі ойынын да өз алаңында өткізеді. Алдағы сенбі күні, яғни 8 қазанда елорда клубы Мәскеудің айбынды ЦСКА командасын қабылдайды.
 

Қарсылас жайлы мәлімет

Құрылған жылы: 1991 Клубтық түстері: ақ, жасыл
Мемлекет: Ресей Арена: Баскет Холл
Қала: Казань Сайт: www.unics.ru

Сипаттамасы

УНИКС – Ресейдің ерлер арасындағы кәсіпқой баскетбол клубы, Қазан қаласынан, 1991 жылы құрылған.
 
Жетістіктері:
  • Ресей чемпионатының күміс жүлдегері − 2001, 2002, 2004, 2007, 2016, 2021
  • Ресей чемпионатының қола жүлдегері − 2000, 2003, 2005, 2009−2011, 2013/2014, 2018/2019, 2021/2022
  • Ресей кубогының жеңімпазы − 2003, 2009, 2014
  • FIBA Евролига чемпионы − 2003/2004
  • Еуропа кубогы жеңімпазы − 2010/2011
  • Еуропа кубогының финалына шыққан – 2013/14 
  • NEBL чемпионы − 2002/2003
  • ВТБ Бірыңғай лигасының күміс жүлдегері − 2009/2010, 2011/2012, 2015/2016, 2020/2021
  • ВТБ Бірыңғай лигасының қола жүлдегері − 2010/11, 2018/2019, 2021/2022

Команданың жалпы суреті

УНИКС