ВТБ Бірыңғай лигасы 2016/2017
ПАРМА
Пермь
ВТБ Бірыңғай Лигасы, Тұрақты біріншілік
27.11.2016, 18:30 Жс
Арена: ӘСС «Молот» (Пермь)
65:82
Негізгі уақыт
10:25 18:17 22:21 15:19
Ойын нөмірі: RS/46
Көрермен: 4216
Астана
Астана

«Астана» Пермге аттанады

25.11.2016, 17:00    Просмотров: 467
Источник: Баспасөз қызметі
Автор: Альмира Шахаева
Алдағы жексенбіде, яғни 27 қараша күні «Астана» баскетбол клубы ВТБ Бірңғай лигасы аясындағы кезекті ойынын Пермде өткізіп, жергілікті «Парма» командасымен додаға түседі. Бұл матч – екі команданың ВТБ лигасының жыл сайынғы біріншілігіндегі алғашқы кездесулері. «Парма» БК ВТБ лигасында соңғы, 13-орында табан тіреп тұр.

Алдағы ойынға елорда баскетболшылары тыңғылықты дайындалды. Красноярскінің «Енисейін» жеңгеннен кейін грек маманы шәкірттерінің көңіл-күйлері де – көтеріңкі.

«Астана» ПБК бас бапкері Илиас Папатеодору алдағы матч жайлы өз ойын білдірген болатын:

– Түздегі ойындардың бәрі біз үшін жай ғана қиын емес, өте қиын екеніне сөз жоқ. Ал алдағы ойындағы ең басты қиындық, «Парма» клубының әлі жеңіске жетпегендігі болады. Өйткені олар бірінші рет жеңіске жету үшін бар күш-жігерлерін салады. Аянбайды. Ал ВТБ лигасында біздің команданың беделі аса жоғары емес, сондықтан қарсыласымыздың бізді ұтуға болады деп ойлайтыны анық. Оның үстіне, Литвада жаттығыу жиынын өткізіп жүріп, біз бұл командамен кездескенбіз, әрі сол ойында ұтылып қалғанбыз. Бірақ бұл жолы мүлде басқа ойын болады. Бізге әрбір ойын сәтінде табан тіресе додаға түсіп, әрбір доп үшін жанұшыра таласуымыз керек. Олай болмаса, онда біздің мүмкіндігіміз аз. Онсыз да, бізде таланттар мен артықшылықтарымыз көп емес, алайда бізде ең бастысы бар, ол – талпыныс!     
 
Естеріңізге сала кетейік, бұл ойын 27 қараша күні Астана уақытымен 18:30-да басталады. Сіздер ойынның трансляциясын ВТБ Бірыңғай лигасының сайтынан көре аласыздар.

«Астана» ВТБ лигасына биыл қосылған командаға аяушылық танытпады

27.11.2016, 21:30    Просмотров: 489
Источник: ВТБ Бірыңғай лигасы
Автор:
«Астана» Президенттік баскетбол клубы түзде Ресейдің «Пармасынан» үстем түсті – 82:65 (25:10, 17:18, 21:22, 19:15).

Кездесу тағдыры ойынның бірінші ширек бөлігінде-ақ шешілді. «Астана» және Иан Миллер Пермь клубы ойыншыларының қорғаныстағы қателіктерін қалт жібермей, кәдеге асыра білді. Сөйтіп, 15 ұпай айырмасымен алға озды. Әрі қарай «Парма» терезесі тең дәрежеде өнер көрсеткенімен, қонақтарын қуып жете алмады. Ал соңғы 10-минуттықта «Астана» тағы да қарқынын үдетіп, 10:3 есебімен үстемдік танытты. Вячеслав Шушаковтің шәкірттеріне ешқандай мүмкіндік бермей, үміттерін түпкілікті үзді.

Ең көп ұпай жинағандар:

«Парма»: Максим Дыбовский (13), Иван Ухов (13), Сергей Чернов (10+6 рет доп қақшып алды)

«Астана»: Иан Миллер (30), Родерик Одом (11), Роберт Лоури (8+7 пас+6 д.қ.а)

«Парма» клубының бас бапкері Вячеслав Шушаков: 
– Ең әуелі, жанкүйерлерден кешірім сұрағым келеді. Жаңа ғана жігіттермен қатты-қатты сөйлестік. Бүкіл ойын барысында, команда сапынан психологиялық тұрғыда табан тіресе додаға түсуге дайын адамдарды табуға тырыстым. Өкінішке қарай, бәрінің дайындықтары әр түрлі болып шықты. Осының салдарынан, ойынның бірінші ширек бөлігінде ойсырай ұтылдық. Осы ұпай айырмасын матч аяқталғанша қысқарта алмадық.
  
«Астана» ПБК бас бапкері Илиас Папатеодору:
– Біз дүлей дода болады деп күткен едік. «Парма» ВТБ Бірыңғай лигасындағы алғашқы жеңісіне қол жеткізуге талпынып жүр. Сондықтан біз матчтың аяғына дейін ойын қарқынынан тыс қалмай, бәрін де бағамдап отыруды ойластырдық. Кездесудің бірінші жартысында доптан үш-ақ рет айырылып қалдық және қорғаныста сауаты ойнағанымыздың да пайдасы тиді. Өз ойыншыларымыздың бәріне де риза болғанымды білдіріп, «Парма» командасының тамаша матч ұйымдастырғанына, қиқу салған жанкешті жанкүйерлеріне алғыс айтқым келеді.

«Астана» келесі ойынын өз алаңында өткізіп, 4 желтоқсан күні ВТБ Бірыңғай лигасы аясында Беларустің «Цмоки-Минск» клубын қабылдайды.

Қарсылас жайлы мәлімет

Құрылған жылы: 2012 Клубтық түстері: ақ, көк
Мемлекет: Ресей Арена: ӘСС «Молот»
Қала: Пермь Сайт: parmabasket.ru

Сипаттамасы

«ПАРМА-ПАРИ» – Ресейдің ерлер арасындағы кәсіпқой баскетбол клубы, Пермь қаласынан, 2012 жылы құрылған.

Жетістіктері:

  • Ресей кубогының жеңімпазы – 2015/2016, 2018/2019
  • Ресей кубогының қола жүлдегері – 2016/2017
  • Суперлиганың қола жүлдегері – 2015/2016
  • ФИБА Еуропа Кубогының төрттік финалының қатысушысы — 2021

Команданың жалпы суреті

ПАРМА