ВТБ Бірыңғай лигасы 2016/2017
Астана
Астана
ВТБ Бірыңғай Лигасы, Тұрақты біріншілік
08.01.2017, 16:00 Жс
Арена: «Сары-Арқа» велотрегі (Астана)
93:84
Негізгі уақыт
31:28 17:15 25:20 20:21
Ойын нөмірі: RS/71
Көрермен: 400
Пари Нижний Новгород
Нижний Новгород

Қытымыр қаңтар. «Астана» алғашқы қонағын қабылдайды

05.01.2017, 10:00    Просмотров: 894
Источник: Баспасөз қызметі
Автор: Альмира Шахаева
Жаңа жылдың алғашқы айы елорда баскетболшылары үшін мейілінше қысылтаяң болғалы тұр. Өткізетін ойындары көп. Үйдегі ойындары түздегі матчтарымен іркес-тіркес жалғаса береді. Былайша айтқанда, қаңтар бойы елорда алыптары «тізгін» тартпайды. Міне, алдағы демалыста, яғни 8 қаңтар күні «Астана» ВТБ Бірыңғай лигасы аясындағы кезекті ойынын өткізіп, өз алаңында Ресейдің «Нижний Новгород» командасын қабылдайды.

Дәл қазір нижегородтықтар ВТБ Бірыңғай лигасының турнир кестесінде 10-шы орынды иемденіп тұр. Командада легионерлер мен ресейлік ойыншылар бірін-бірі толықтырып, мейілінше тіл табысып кеткен. Солардың бірі Иван Стребков – команданың көшбасшысы, «Нижнийдің» ең пайдалы және нәтижелі ойыншыларының бірегейі. «Астана» баскетболшылары жаңа жылдағы бірінші ойынға жан-жақты дайындалып, спорттық баптарын жетілдіре түсті. Жаңа жылдық мерекелерден кейін команда бірден жаттығу жұмыстарына кірісіп кетті.

Команданың бас бапкері Илиас Папатеодору әдеттегідей үмітін үзбейді:

– Біріншіден, барлықтарыңыздың Жаңа жылмен құттықтаймын! Жаңа жылды Нижний Новгород қаласының командасымен, үйдегі матчпен бастаймыз. «Нижний Новгород» баскетбол клубы азулы команда, әсіресе жойқын шабуылымен ерекшеленеді. Бұл матчта жеңіске жету үшін біз ең үздік ойын өрнегімізді көрсетуіміз керек. Команданың әрбір ойыншысы жауапкершілік жүгін сезіне білуі қажет, – деп түйіндеді өз пікірін бас бапкер. 

Естеріңізге сала кетейік, бұл ойын 8 қаңтар күні «Сарыарқа» республикалық велотрегінде өтеді. Басталуы – 16:00-де. Кіру тегін!

Матч трансляциясын онлайн режімінде біздің сайттан, сондай-ақ 19:35-те «Kazsport» телеарнасынан көре аласыздар.

«Астана» үздік алтылыққа жайғаса түсті

08.01.2017, 18:30    Просмотров: 979
Источник: ВТБ Бірыңғай лигасы
Автор:
«Астана» өз алаңында Ресейдің «Нижний Новгород» клубынан басым түсті – 93:84 (31:28, 17:15, 25:20, 20:21).

Алаң иелері ойынның басынан аяғына дейін басымдық танытты. Төрт 10-минуттықтың үшеуінде жеңіске жетті. Тіпті матчтың үшінші ширек бөлігінде ұпай айырмасы екі таңбалы санға да жетті – 73:63. Кездесудің соңғы бөлігінде «Нижний» баскетболшылары ұпай айырмасын қысқартуға тырысты-ақ. Бірақ шабыттанып алған Усман Крубалли қайта-қайта олардың әрекеттерінің бәрін су сепкендей басып отырды. Ал ойының аяқталуына төрт минут қалғанда Антон Пономарев допты оймақторға дөп түсіріп, ұпай айырмасы қонақтар қуып жете алмастай болып алшақтай түсті – 85:70. Сөйтіп, «Астана» жеңіске жетіп, бірінші бестіктегі азулы командалардың өкшелерін басты.

Ең көп ұпай жинағандар:

«Астана»: Роберт Лоури (18), Родерик Одом (15+5 рет доп қақшып алды), Усман Крубалли (14+8 пас), Рустам Мурзагалиев (12), Иан Миллер (10+5 пас)

«Нижний Новгород»: Иван Стребков (20+7 д.қ.а+8 пас), Кенни Бойнтон (15+5 пас), Максим Григорьев (12), Томислав Зубчич (11), Сиим-Сандер Вене (10), Деандре Кейн (10)

«Астана» ПБК бас бапкері Илиас Папатеодору:
– Біріншіден, барлықтарыңызды өткен Жаңа жыл мерекелерімен құттықтаймын! Біз үшін бұл – маңызды жеңіс. «Нижний» бізге Еурокубок аясындағы «Зенитпен» өткізген тамаша ойынынан кейін келді. Әрі «Нижний» – шабуылда өте қарымды. Біз болсақ, 20 күн ешқандай ойын өткізбей, отырып қалдық. Матчтың екінші ширек бөлігінде ойынымыз жүріп, тіпті көсіле шауып, жеңіске жетіп тындық.

«Нижний Новгород» БК бас бапкері Артурс Шталбергс:
– «Астананы» шабуылдағы жақсы ойынымен құттықтаймын. Қарсыласымыз қиын-қыстау сәттерде көп доп соқты, бірақ бұл ақталу емес. «Зенитпен» өткізген ойыннан кейін аптығымыз басылған да сияқты еді, алайда әлі де масаттанып-тоқмейілсіп жүргендейміз… Десек те, біз 10 айып соққысын дөп түсіре алмай, мүлт кетіп, «Астана» оймақтор қалқаны түптерінде үстемдік құрса, бұл біздің бүгінгі ойынға лайықты деңгейде дайын болмай шыққанымызды көрсетеді, тиянақтылық таныта алмадық.


 
«Астана» келесі ойынын да өз алаңында өткізеді. 11 және 12 қаңтар күндері Қазақстан Ұлттық лигасы аясында Ақтаудың «Каспий» командасын қабылдайды.

Қарсылас жайлы мәлімет

Құрылған жылы: 2000 Клубтық түстері: ақ, қара
Мемлекет: Ресей Арена: СС «Нагорный»
Қала: Нижний Новгород Сайт: www.nn-basket.ru

Сипаттамасы

«Пари Нижний Новгород» – ресейдің ерлер арасындағы баскетбол клубы, Нижний Новгород қаласынан, 2000 жылы құрылған.

Жетістіктер:
  • Ресей Суперлигасының «Б» дивизионы чемпионы – 2010
  • Ресей кубогының финалына шыққан – 2011, 2018, 2019
  • ВТБ Бірыңғай лигасының күміс жүлдегері – 2013/2014
  • Ресей чемпионатының күміс жүлдегері – 2013/2014

Команданың жалпы суреті

Пари Нижний Новгород