«Астана» ВТБ Бірыңғай лигасында, бұл жолы Санкт-Петербургте тағы бір көшпелі матч өткізді.
Бірінші кезеңде алаң иелері өздері үшін үлкен артықшылық жасай алмады және командалар 47:41 есебімен үлкен үзіліске кетті. Үшінші тоқсан шешуші болды, онда «Зенит» айырмашылықты 18 ұпайға дейін арттыра алды. Соңғы кезең «Астанада» қалғанына қарамастан, қорытынды есеп – 95:79 Хавьер Паскуаль командасының пайдасына.
Елордалық клубтың құрамында Маркелл Джонсон (30 ұпай, 7 пас, 5 рет допқа бірінші жету) және Ройс Хэмм (16 ұпай, 7 рет допқа бірінші жету) ерекше атап өтілді.
«Біз жеңіске жеткенімізге қуаныштымыз, бұл ойында үзіліске дейін көшбасшылықты алу қиын болды. Қорғаныста нашар қимылдадық, шабуылда ұпай жинауға көптеген мүмкіндік болды, бірақ түрлі себептермен доп соға алмадық. Үшінші кезеңнен бастап біз бастаманы қолға алып, екінші жартысында жақсы ойнадық, матчты соңына дейін бақыладық. Осылайша жеңіске жетті», – деді қарсыластың бас бапкері Хавьер Паскуаль ойыннан кейін.
Айта кету керек, ойында біздің команда қолдаусыз қалған жоқ. «Астананы» қолдауға «Бәйтерек» қазақстандық жастар орталығының түлектері мен басқа да қазақстандықтар келді.
ВТБ Бірыңғай лигасының келесі ойынын Олег Киселевтің командасы 24 желтоқсанда Саратовта өткізеді. Қарсылас – «Автодор».
